Sipas të dhënave që bën të ditura Ministria e Transporteve, projekti më i madh infrastrukturor i Jugut të Shqipërisë, “Rruga e Arbërit”, do të jetë gati për përdorim në pranverë të vitit 2013. Sipas zv/Ministrit të Transporteve Ernest Noka, ndërtimi i kësaj rrugë do të shoqërohet më një sërë avantazhesh ekonomike për Shqipërinë, jo vetëm në fushën e turismit, por edhe për sa i përket shkëmbimeve tregtare me Maqedoninë dhe vende të tjera. Sipas Nokës, Drejtoria e përgjithshme e Rrugëve e ka përfunduar dhe detajuar projektin e “Rrugës së Arbërit”, por pritet vetëm aprovimi i këtij projekti. Sipas tij, deri në fund të këtij viti qeveria shqipare do të marrë të gjitha masat për vënien në zbatim të këtij projekti, që do të kushtojë mbi 200 milionë euro.